La Soubirane
À PROPOS
Trio polifonic de Carcin, a las influéncias tribaus e mediterranèas, La Soubirane que canta dab arsec e pregondor, au son deus tambors.
Un son arcaïc, melodiós, e aerian, ua justessa e ua autenticitat qui’ns hè vibrar au mei pregond.
Que transmeten tanben lo repertòri d’aqueths cants tradicionaus polifonics per estagis.
Agenda 2026
Dimenge 4 genèr – Chants Mariaux – Poitiers – Abbaye de Ligugé – 17H30
Dissabte 7 Heurèr – ELEKTRIBAL – Les chaudoudoux au Vigan (46)
Dissabte 2 Mai – ELEKTRIBAL- Escambis – Saint-Céré (46)
Dissabte 23 Mai – chants Mariaux – Conques (12)
Dissabte 13 Junh – ELEKTRIBAL- Millau (12) La Calendreta
Dimèrcs 15 Julhet – Combs (26 )- Chants Mariaux
Dijaus 16 Julhet – Musique en Devoluy – Chants Mariaux
Dissabte 19 Seteme – ELEKTRIBAL – Egletons
Dissabte 17 Octobre – ELEKTRIBAL- CADANSA (Pays-Bas)
Concèrts dens los lòcs de patrimòni
Nadau occitan entre sacrat e tradition
A LUA LHEVANTA … la lune levante
Dempuèi 3 Ans, La Soubirane, trio polifonic femenin de Carcin encanta las glèisas d’Òlt, per las fèstas de Nadal.
Aquela annada l’occitan es mes a l’onor amb un repertòri encara mai ancorat dins nòstras istòrias e nòstras tradicions. Viatjant entre cants sacrats e cants tradicionals, La Soubirane convida al reculhiment e al rire, a l’introspeccion e a la jòia.
Dins aquel moment privilegiat de Nadal, las cantairas del trio nos partejan d’istòrias dels ancians, de las istòrias de pastors e d’astres a consultar, e passan cadun son torn d’una proximitat simpla e gaujosa amb lo public a l’armonia mistica de lor cant.
Lo programa presentarà de cants d’occitana ( bearnés, Provencal, carcinòl e avaironés) anant del 3 ème al 19 ème sègle. Finament talhat, aquel repertòri convida lo public a viatjar al còr de las tradicions, al còr del sacrat. Una parentèsi intemporala cargada d’emocion e d’espiritualitat.
Un moment de vibranta magia
Aquera annada l’occitan qu’ei metut a l’aunor dab un repertòri enqüèra mei ancorat dens las nostas istòrias e las nostas tradicions. Viatjant enter cants sacrats e cants tradicionaus, La Soubirane que convida au reculhiment e a l’arríder, a l’introspeccion e au gai.
Dens aqueth moment privilegiat de Nadau, las cantairas deu trio que’ns partatjan istòrias deus ancians, de las istòrias de pastors e d’astres a consultar, e que passan au torn d’ua proximitat simpla e gaujosa dab lo public a l’armonia mistica deu lor cant.
Lo programa que presentarà cants d’occitana ( bearnés, Provencal, carcinòu e avaironés) anant deu 3 ème au 19 ème sègle. Finament talhat, aqueth repertòri que convida lo public a viatjar au còr de las tradicions, au còr deu sacrat. Ua parentèsi intemporau cargada d’emocion e d’espiritualitat.
Un moment de vibranta magia
Chants sacrés – spectacle 2024
Posant son inspiracion dins lo repertòri dels cants sacrats e lo dels cants tradicionals del quotidian, lo trio parteja una vertadièra òda al femenin. Viatjant entre l’eretatge occitan e las tradicions mediterranèas, La Soubirane met en lum diferentas facietas de la verge e de son culte ancorats dins lo quotidian.
De maire universala, reina dels cèls, a la femna tresvirada contactada per un àngel, de la maire de Dieu que s’implora en brocant, a la que se prèga per irrigar los camps, de maire protegissent son filh e fugissent l’enemic roman, a la misericordiosa balhant lo perdon e la gràcia, se vei se dessenhar un imatge multiple de la femna, pel culte de Marie.
Lo programa presentarà de cants d’Occitània (bearnés, niçard, Nòrd del país basc) e dels cants mediterranèus (Grècia, Espanha, Itàlia, Corsega), anant del sègle 3en al sègle 19en ap JC.
mair universau, reina deus cèus, a la hemna tresvirada contactada per un anjo, de la mair de Dieu qui s’implora en brocant, a la qui se prèga entà irrigar los camps, mair protegint lo son hilh e huegent l’enemic roman, a la misericordiosa balhant lo perdon e la gràcia, que’s ved se dessenhar un imatge multiple de la hemna, peu culte de Marie.
Lo programa que presentarà cants d’Occitània (bearnés, niçard, Nòrd deu país basco) e deus cants mediterranèus (Grècia, Espanha, Itàlia, Corsega), anant deu sègle 3au au sègle 19au ap JC.
La Soubirane en Bal
La sobeirana, en occitan, es un trio polifonic femenin, que mena, al son dels tambors, un bal a la votz tribal e emmascant.
Lo trio copa las frontièras del temps e de l’espaci. Fòra dels còsses, fòra del temps, fòra de l’espaci, es l’expression de fòrças arcaïcas primàrias mesclada a la musica actuala : tuntun e delay, lira e flanger, pèls de bèstias, budèls e mans frapadas…
Una alquimia entre bordons ipnotics, vosespoderosas, e arrengaments modèrns que ven prene dins lo còs dels dançaire-euses.
Aquela fusion ressona dins la dança per abitar totalament lo momenton magic del present, l’estransi.
Entre filairas de lana bruta, e filairas de seda nòbla, La Soubirane pòrta d’istòrias de femnas ancestralas, e teis una palanca entre tradicions e tempses modèrns.
Un bal arcaïc, mas cosut de fils d’aur ont las voses se mesclan e se desembolhan, ont caduna mena una color per téisser lo momenton vibrant, lo tapís magic que farà gisclar la dança.
Una intimitat autentica, una proximitat simpla e gaujosa, un bal, del còr.
La sobeirana, en occitan, qu’ei un trio polifonic femenin, qui mia, au son deus tambors, un bal a la votz tribau e en·hatilhant.
Lo trio que copa las frontèras deu temps e de l’espaci. Hòra deus còs, hòra deu temps, hòra de l’espaci, qu’ei l’expression de fòrças arcaïcas primàrias mesclada a la musica actuau : tuntun e delay, lira e flanger, pèths de bèstias, budèths e mans frapadas…
Ua alquimia enter bordons ipnotics, votz poderosas, e arrengaments modèrnes qui vien préner dens lo còs deus dançaire-euses.
Aquera fusion que ressona dens la dança entà abitar totaument lo momentòt magic deu present, l’estransi.
Enter hialairas de lana bruta, e hialairas de seda nòbla, La Soubirane que pòrta istòrias de hemnas ancestraus, e que teish ua palanca enter tradicions e temps modèrnes.
Un bal arcaïc, mes cosut de hius d’aur on las votz se mesclan e que’s desmesclan, on cadua que mia ua color entà téisher lo momentòt vibrant, lo tapís magic qui harà chorrar la dança.
Ua intimitat autentica, ua proximitat simpla e gaujosa, un bal, deu còr.
Vidéos
CONTACT
Carine Joanny - 06 80 64 26 87
Isabelle Bourguétou - 06 37 72 95 05
Stéphanie Della Rocca - 06 58 89 86 12